ဂဠုန်ဦးစောသည် အမျိုးသားခေါင်းဆောင်ကြီး
ဗိုလ်ချုပ် အောင်ဆန်းနှင့်တကွ နိုင်ငံခေါင်းဆောင်များကို လုပ်ကြံသတ်ဖြတ်ခဲ့သည့်အတွက်
သမိုင်းစာမျက်နှာထက်၌ အမည်းစက်တင်ခဲ့သူဖြစ်၏။ ထို့ကြောင့်ပင် (၈.၅.၁၉၄၈) ရက်နေ့တွင်
ကြိုးပေးသတ်ဖြတ်ခဲ့ခြင်းကို ခံခဲ့ရသည်။
ဂဠုန်ဦးစောသည် ကြိုးပေးသတ်ဖြတ်ခြင်းမခံရမီ
သမီးဖြစ်သူ ဘေဘီစောထံသို့ စာတစ်စောင်ရေးခဲ့သည်။ ထိုစာ၌ ဂဠုန်ဦးစော၏ သံဝေဂတို့ကို တွေ့ရှိရပါလိမ့်မည်။ ထိုစာကား
သမီး ဘေဘီစော ........
မည်သူမဆို တစ်သက်တာတွင် မိမိခန္ဓာကိုယ် အတ္တဘောကြီးကို
စွန့်ရမြဲဖြစ်ကြောင်း၊ မိမိ၏ ခန္ဓာဟု ဆိုရသော်ငြားလည်း စိုးပိုင်ခြင်း မဖြစ်နိုင်၊ ခန္ဓာငါးပါး
ရုပ်နာမ်တရားများ ဖြစ်ကြောင်း။
ငါ့၏ လင်၊ ငါ၏ ခင်ပွန်း၊ ငါ၏ ဖခင်တို့နှင့်
တကွဲတပြားဖြစ်သွားရခြင်းအတွက် ပူပင်သောက မဖြစ်စေလိုပါ။
မည်သည့်လင်နှင့်မယား၊ အဖ နှင့် သမီးတို့
တစ်ပြိုင်တည်းမသေနိုင်၊ သေလည်း မသေကြ။ တစ်ချိန်တည်းတွ သေရန် စာချုပ်ဆို၍ ရနိုင်သောအကြောင်းလည်းမရှိပါ။
ဓမ္မတာတရားအတိုင်း သေချိန်ကျလျှင် သေရပါသည်။
ဤလမ်းသည်
မလွဲသောလမ်းဖြစ်ပါသည်။
မိမိအဖို့တွင်လည်း ဤကဲ့သို့ ရှောင်လွဲ၍ မရသောကံကြမ္မာပင်
ဖန်တီးလာသည်ဟု ထင်မိပါသည်။ စလေဆရာကြီး ဦးပုညသည် မြင်ကွန်း၊ မြင်းခုံတိုင်တို့၏ အရေးတော်ပုံတွင်
အရှင်လတ်လတ် အသတ်ခံရဖူးပါသည်။
`ဟုတ်ပလေ နှုတ်ခြွေဟရမှာဖြင့် ပုဗ္ဗေစထင်ရဲ့လေ´
ဟူသောစာပိုဒ်ကို ကြည့်ခြင်းအားဖြင့် သိသာနိုင်ပါသည်။
ကောသလမင်းကြီးကဲ့သို့ ရွှေနန်းစံဘုရာမင်းတရားပင်
ရှေးကံနှိပ်စက်သောအခါ ဇရပ်တစ်ဆောင်တွင် သေခဲ့ရဖူးသော ထုံးလည်းရှိပါသည်။ ဒါကြောင့်မို့
မာမီနှင့်သမီးတို့ တရားနှလုံးသွင်း၍ ဖြေကြစေလိုပါသည်။ သမီးအား ဗုဒ္ဓစာပေကို များများတက်အောင်
မာမီက ကြိုးစားသင်ပေးပါ။
သတ္တ၀ါအားလုံးအပေါ် မေတ္တာထားနိုင်သည့် စိတ်ဓာတ်ရှိမှ
နတ်လူသာဓု ခေါ်ပါသည်။
ထို့ကြောင့်သမီးသည် သစ္စာရှိရမည်။ သီလရှိရမည်။
အကျင့် စာရိတ္ထ ကောင်းရမည်။ `လူမိုက်တစ်သောင်းကဲ့ရဲ့ ရှောင်းလည်း၊ လူလိမ္မာတစ်ယောက်ချီးမွမ်းလျှင်
မြောက်သည်´ဟူသောစ ကားကို သတိပြုပါ။ အရေးကြီးဆုံးအဖိုးတန် အမွေတစ်ခုကို ပေးလိုပါသည်။
ထိုအမွေမှာ ` ရတနာသုံးပါးကို ဦးထိပ်ထား၍ ဆည်းကပ်ကိုးကွယ်ပါ´ ကျေးဇူးရှင်ဆရာတော်ဘုရားကြီးများကို
ဆည်းကပ် ကိုးကွယ်ပါ။
မာမီ၊ ကျွန်တော်အပေါ် မကျေနပ်တာရှိလျှင် သည်းခံပါ၊
မာမီအပေါ်တွင် မကျေနပ်တာရှိလျှင် ခွင့်လွှတ်ပါသည်။ သမီးတစ်သက်တွင် `အသက်သတ်ခြင်း ရှောင်ကြဉ်ပါ´´
ဒက်ဒီတို့အမျိုးသည် အဖေ့ဘက်က အမျိုး၊ အမေ့ဘက်က
အမျုိးဟူ၍ နှစ်ဖက်ရှိကြပါသည်။ ထိုအမျိုးများသည် အလွန်စိတ်ထက်ကြသည်။ စိတ်ကောင်းရှိကြသည်။
စော်ကားလျှင် မခံချင်သောစိတ်ဓာတ် အလွန်အားကြီးကြသည်။ စိတ်ပြင်းလွန်းကြသဖြင့် သူများက
တစ်ချက်ရိုက်လျှင် ကိုယ်က အချက် (၂၀) ပြန်ရိုက်ချင်သည်။ သူတစ်ပါးတစ်ချက်ထုလျှင် ကိုယ်က
အချက် 50 လောက် ပြန်ထုမှ ကျေနပ်ကြသည်။ လက်စားပြန်မချေရလျှင် တစ်သက်လုံး မမေ့နိုင်ဆိုသလို
ရှိခဲ့ကြသည်။
``သူများကို သွားမစော်ကားနဲ့၊ စော်ကားလျှင်
တစ်ဆင့်တစ်ဆင့်ပြန်ချရမည်ဟု အစဉ်အစိုက် ဒက်ဒီတို့က တစ်မျိုးလုံးကို အမွေပေးခဲ့ကြသည်။
ဒါကြောင့်သည်လိုစော်ကားလိမ့်မည် ထင်တဲ့လူကို အပေါင်းအဖော် မလုပ်ပါနဲ့ ။ ရန်သူလာလျှင်
သည်းခံပါ။ သမီးလှူဒါန်းနိုင်သမျှ သံဃာတော်အရှင်မြတ်များအတွက် လှူဒါန်းပါ။ ဤကား ငါ့၏
ချစ်သမီးကို ပေးနိုင်သော အမွေများ ဖြစ်သတည်း။